बरसत्या पावसाचे गाव
माझ्या मनात पारिजात
चिंब भिजले आभाळ आणि
गुलमोहराचे ठाव!!
ओले, हळवे, भिजले झाड
पाखरांच्या डोळ्यात आभाळ
पाना फुलात ओलेत्या रेघा
दारा पुढले, झुकले माड!!
पावसात नादावले पाणी
कळ्या कळ्यात रेघा हळव्या
सावळ्या आभाळाची सावली
आणि सर्द भिजलेली गाणी!!
चिंब भिजलेले पान
पान
माझे मन पाऊस पाऊस
ओलावले सूर बासरीचे, धुंद
मोरपिसांचे मोहरले रान!!
- स्वप्नजा - स्वप्नजा
No comments:
Post a Comment