स्त्रीपण

स्त्रीपण
कुंकवाची लाल चिरी अन काळे चार मणी
माझं स्त्रीधन ....
या साम्राज्याची राणी बनून
कृत कृत्य करणारं आयष्य पदरात पाडून
मी वाचते ... संथपणे पाण्यावर
तरंगत जाणाऱ्या फुलाचं आत्मगीत
कधीतरी काठाला स्पर्शत
कधी प्रवाहाला भिडत
फुलं निघून जातं ..... अज्ञाताच्या प्रदेशात
तेव्हा
वर्तमानातील जीवनप्रवाह सांभाळत
मी चालते .... वर्षानुवर्ष, आयुष्याचा तोच तो रस्ता
वळणही झालीत त्याची केव्हाच पाठ
आता प्रवाहाविरुद्ध झेपावणं
मीच करून टाकलयं  बंद
ओठावरचा हुंदका अन आसवांचा तळं
खोल आत आता ठेवलंय दडपून ! 
              - स्वप्नजा