मनातल्या कविता

विराणी

ओठांवरी  शब्द होते

डोळ्यात स्वप्न गाणी

वाऱ्यावरी हरवली

हळवी कुणी विराणी I

आकाश चंद्र तारकांचे

पाण्यात बिंब लाजरेसे

किनारा गच्चं भिजलेला

लाटेतूनी ती कहाणी I

ओल्या, स्तब्ध पायवाटा

पान पान  भिजलेले

दाटल्या धुक्यातली ती

पंखात निजली गाणी I

झंकारते देहातुनी कधीची

आर्त तान बासरीची

पापणीत मिटूनी गेली

हृदयामधील गाणी I

जा दूर तू असा कुठेही

मज प्यार हा किनारा

वाळूतल्या  खुणा पुसूनी

गेले निघून पाणी I

-     स्वप्नजा